Ish-sekretari i Këshillit Kombëtar në Luginë, Rinor Krasniqi, në një intervistë direkte në emision Ora Shtatë të televizionit Klan Kosova, ka akuzuar qeverinë e Albin Kurtit për përçarjen e shqiptarëve në Preshevë.
Sipas Krasniqit, përveç përçarjes së shqiptarëve në Luginën e Preshevës, Kurti gjithashtu është fajor për dështimin e mbështetjes financiare për Luginën, përfshirë edhe premtimet e pambajtura për subvencionet për fermerët.
“Nga një qeveri diktatoriale kjo ishte e pritshme, por fatkeqësia është se shqiptarët e Republikës së Preshevës e lejuan të ndodhë”.
Qeverisja e Albin Kurtit ndihmoi në përçarjen e politikës dhe popullit shqiptar në Luginë”.
Një nga arsyet kryesore pse fondet për bujqit e Preshevës nuk u shpërndanë është pikërisht kjo qeveri në krye me Albin Kurtin”, tha Krasniqi, për emisionin ‘Ora Shtatë” në Klan Kosova.
Ndiqni deklaratat e plota, në videon e mëposhtme: