Gurët në veshka janë një nga problemet e zakonshme, me të cilat përballen disa njerëz dhe shifra e numrit të njerëzve të prekur nga kjo sëmundje vjen duke u rritur çdoherë.
Disa nga shenjat paralajmëruese të gurëve në veshka janë:
Dhimbje e papritur dhe e fortë
Të rriturit shpesh diagnostikohen me gurë në veshka pas vizitës te mjeku i tyre për shkak të dhimbjeve të papritura të forta të barkut ose dhimbjes së shpinës që ata kanë përjetuar. Kjo dhimbje e papritur dhe e fortë në stomak ose në njërën anë të shpinës është një nga simptomat klasike të gurëve në veshka.
Dhimbja e rëndë nga e cila nuk mund të gjeni lehtësim ndihmon në dallimin e dhimbjeve që lidhen me gurët në veshka nga dhimbja e stomakut ose tendosja e shpinës. Dhimbja e lidhur me gurët në veshka ndonjëherë mund të ngatërrohet me një dhimbje shpine sepse dhimbja e lidhur me gurët në veshka mund të fillojë më lart në pjesën e prapme. Ndërsa guri lëviz më afër fshikëzës, vendndodhja e dhimbjes mund të lëviz më poshtë.
Gurët në veshka mund të shkojnë në madhësi të ndryshme, madhësia mesatare e një guri në veshka është 5 milimetra. Sidoqoftë, madhësia e gurit nuk ndikon domosdoshmërisht në sa dhimbje ka dikush. Sepse te dikush ndodh që edhe një gur krejt i vogël të shkaktoj dhimbje të madhe.
Gjaku në urinë
Një tjetër shenjë paralajmëruese e mundshme e gurëve në veshka është gjetja e gjakut në urinë. Pasi kjo ndodh në shumicën e pacientëve që kanë gurë në veshka. Gjaku në urinë është një gjendje jonormale dhe duhet të vizitoni mjekun nëse vëreni këtë simptomë.
Një nga mënyrat që njerëzit të parandalojnë zhvillimin e gurëve në veshka është të pini ujë të mjaftueshëm, pasi dehidratimi konsiderohet si një nga shkaqet kryesore. Uji ndihmon në hollimin e substancave në urinë që çojnë në gurë në veshka.