Mot i ftohtë pritet të mbretërojë edhe gjatë ditës së parë të javës në të cilën veçse kemi hyrë.
Të paktën kështu parashikojnë të dhënat hidrometerologjike për ditët e javëns që sapo kemi filluar.
Siç kanë bërë të ditur, gjatë të hënës në mëngjes pritet të ketë vranësira, kurse gjatë ditës kryesisht me diell.
Temperaturat minimale luhaten ndërmjet -4⁰C e -1⁰C, ndërsa maksimalet fillimisht kapin vlera prej 6⁰C e 7⁰C, e deri të premten rriten edhe në 12⁰C.
Do të fryjë erë e lehtë dhe mesatare nga veriu e verilindja 3-9m/s, nga dita e enjte ndryshon drejtimin në perëndim e jugperëndim.
Shtypja atmosferike vijon me vlera shumë të larta mbi normale, dhe tendencë të rënies graduale.
Më poshtë parashikimi edhe për ditët në vijim.
13.02 – Vranësira paradite, gjatë ditës kryesisht me diell.
14.02 – Vranësira dhe intervale me diell. Në mëngjes në ultësira mundësi për mjegull.
15.02 – Pjesërisht vranët paradite. Intervale me diell gjatë ditës.
16.02 – Kthjellët dhe kryesisht me diell.
17.02 – Kryesisht me diell. Kohë pas kohe vranësira kalimtare.