Forumi Rinor i Partisë për Veprim Demokratik gjatë ditës së sotme organizoi një aksion vetëdijësues për mbrojtje ndaj virusit COVID-19.
Kjo për arsye se pikërisht gjatë këtyre ditëve si në rajon e poashtu edhe në Preshevë po hasim në një rikthim edhe më të madh të këtij virusi, e në anën tjetër kemi jo transparencë dhe neglizhencë totale të pushtetit lokal ndaj kësaj situate shqetësuese.
Në këtë aksion, i cili u zhvillua në tri pika ku po bëhet grumbullimi më i madh i qytetarëve, para objektit të komunës së Preshevës, para bankës dhe postës si dhe para stacionit policor në Preshevë, qytetarëve të grumbulluar para këtyre institucioneve iu shpërnda fletushkë me këshilla për ndërmarrjen e masave parandaluese që qytetarët të ndërmarrin si mbrojtje ndaj virusit COVID-19. Gjithashtu të njejtëve iu bë edhe dezinfektimi i duarve, si dhe iu shpërndanë dorëza dhe maska mbrojtëse.
Pushteti lokal, gjegjësisht kryetari i komunës që nga përhapja e pandemisë, ndaj qytetarëve dhe ndaj çdo zëri këshillues në çdo situatë ku i jipej hapësirë reagoi me arrogancë. I njejtë ishte edhe rasti i sotëm, ku gjatë zhvillimit të aktivitetit të anëtarëve të FR të PVD-së pranë objektit të komunës së Preshevës, shefi i kabinetit të kryetarit, Visar Mehmeti, me sjellje arrogante i ka larguar ata.
Preshevë, 13.07.2020
Shërbimi për Informim i
Partisë për Veprim Demokratik