Zëvendëskryeministri i Kosovës, Besnik Bislimi, ka udhëtuar për në Bruksel.
Sipas burimeve të Klankosova.tv këshilltarja politike për Luginën e Preshevës në Qeverinë e Kosovës, Ardita Sinani ka udhëtuar bashkë me zëvendëskryeministrin Bislimi për në Bruksel.
Ata do të takohen me të dërguarin e Bashkimit Evropian për dialogun Kosovë-Serbi, Miroslav Lajçak.
Udhëtimin e Besnik Bislimit në Bruksel për Klankosova.tv e bëri të ditur Klisman Kadiu, nga kabineti i zëvendëskryeministrit.
Shefi i diplomacisë evropiane, Josep Borrell, sot në një konferencë për media ka deklaruar se Bislimi do të jetë në Bruksel sonte për të folur për targat dhe elemente tjera.
Ndryshe, kjo është hera e parë që një figurë politike nga Lugina e Preshevës që është është përfshirë në dialog.