Organizuar bashkërisht nga zyret e Senatorës Joni Ernst (Republikane nga Iowa) dhe Gary Peters (Demokrat nga Michigan), si bashkëkryesues të Grupit për Çështje Shqiptare në Senat, sot delegacioni nga Lugina ka prezentuar dëshmitë për diskriminimin shtetëror që Beogradi vazhdon ta bëjë ndaj shqiptarëve në Luginë, ka shkruar Faton Bislimi në facebook.
Pjesë e panelit ishte delegacioni nga Lugina e Preshevës në pëberje të së cilit janë Deputeti Shaip Kamberi, Kryetari i KNSH Ragmi Mustafa, iah-Kryetarët e Preshevës Ragmi Mustafa e Ardita Sinani, dhe Dr. Flora Ferati (nga Medvegja), si dhe Kryetari i Bujanocit Nagip Arifi (i cili për shkak të një rasti vdekje në familje, nuk mundi të udhëtojë për DC, por dëshmia e tij u dorëzua me shkrim).
“Çështja e të drejtave kombëtare të shqiptarëve në Luginë është pjesë e pandashme e kauzës sonë kombëtare. Si anëtar ekzekutiv i Ligës Qytetare Shqiptaro-Amerikane, tash e gati dy dekada, jam i angazhuar në këtë mision me rëndësi jetike për demokraci, stabilitet, e paqe afatgjate në rajon.” thuhet në njoftimin e Bislimit të publikuar në facebook.
Pëkrahja e SHBA-ve është kruciale për të arritur objektivat tona kombëtare për Luginën, dhe Liga Qytetare nën lidershipin e Joe DioGuardit e Shirley Cloyes DioGuardi mbetet adresa më e saktë e më e suksesshme për të ruajtur e ripërtrirë miqësinë tonë unike me Washingtonin!” përfundon njoftimi i Bislimit.