Kryetari i komunës së Preshevës Shqiprim Arifi ka realizuar disa takime me kryeparlamentarin Kadri Veselin, me zv kryeministrin Enver Hoxhaj dhe me kolonel Shaban Guda në lidhje me problematikën për udhëtimin me pasaporta të Serbise në drejtim të Republikës së Kosovës.
Sipas Arifit pas takimit, në rrjetin e tij social ka bërë të ditur se ka marrë premtime që së shpejti do të gjindet një modalitet për Shqiptarët e Luginës sa i takon kësaj çështje.
Ndërsa zv kryeministrin z. Enver Hoxhaj, pas takimit me Arifin ka shkruar se, Kosova duhet të insistojë në reciprocitet të plotë me të drejtat e pakicës serbe në Kosovë. Pa respektim të plotë të të drejtave të pakicave nuk mund të ndërtohet e ardhmja e rajonit.