Pas seancës së rregullt të Kuvendit Komunal të Preshevës e cila u mbajt dje dhe ndaloi legalizimin e zvogëlimit të numrit të popullsisë në Preshevë, dalin fakte që Shqiprim Arifi gjithkund e kishte prezantuar Preshevën si komunë e banuar nga 13000 banorë.
Pika e parë e rendit të ditës në seancën e IV të Kuvendit Komunal të Preshevës që kishte të bëjë me ndryshimin e Statutit të Komunës së Preshevës u largua nga rendi i ditës pas reagimi të opozitës që përmes këtij hapi nga i pari i Preshevës po synohet të legjitimohet zvogëlimi i numrit të popullatës në Preshevë. Propozimin dhe diskutimet për largimin e kësaj pike nga rendi i ditës u përkrah nga Sami Salihu – i pari i Kuvendit të Preshevës e që si rezultat pati krijimin e një komisioni profesional që do të punojë në ndryshimet e Statutit.
Mirë po menjëherë pas aktualizimit të këtij problemi, filluan edhe të vërehej se Shqiprim Arifi gjithkund tani më kishte filluar ta prezantonte Preshevën si komunë e banuar nga vetëm 13000 banorë.
Kjo më së miri shihet në dokumentarin e realizuar nga televizioni gjerman ”arte tv”, një rrëfim personazhit të Shqiprim Arifit, e që pas publikimit u bë temë diskutimi në Preshevë, për shkak të cilit akuzohej kryetari i Preshevës se kishte shfrytëzuar buxhetin komunal për të promovuar veten.
A është kjo mënyra si e ka prezantuar Shqiprim Arifi gjithkund Preshevën, e që dje përmes ndryshimit të numrit të anëtarëve të Këshillit Komunal në Komunën e Preshevës u tentua që të legalizohet edhe me Statut zvogëlimi i numrit të popullatës që jeton në Komunën e Preshevës, mbetet të shihet ditëve në vijim.
Edhe pse kjo qe temë shumë e rëndësishme dhe Kuvendi Komunal i Preshevës punoi edhe gjashtë orë pas diskutimit të kësaj problematike, Shqiprim Arifi as gjatë seancës së Kuvendit e as pas saj nuk ka folur asnjë fjalë në lidhje me këtë problematikë.