Trupi Koordinues përmes një komunikate për mediat ka njoftuar se do të shpërndajë çanta për nxënësit e Preshevës, Bujanocit dhe Medvegjës.
Ushtruesi i detyrës së drejtorit të Shërbimit të Trupit Koordinues të Qeverisë së Republikës së Serbisë për komunat e Preshevës, Bujanocit dhe Medvegjës, Nenad Mitroviq, të hënën, me 2 shtator, do të shpërndajë çanta dhe pajisjet shkollore për nxënësit e klasës së parë në komunat e Preshevës, Bujanocit dhe Medvegjës.
Në ora 08:00 do të bëhet vizitë në shkollën fillore “Dragomir Trajkoviq” dhe shpërndarja e çantave dhe pajisjeve shkollore për nxënësit e klasës së parë në Zhbevc të Bujanocit.
Më pas do të vazhdojë në shkollën fillore “Selami Halaçi” dhe shpërndarja e çantave dhe pajisjeve shkollore për nxënësit e klasës së parë në shkollën e fshatit Rahovicë të Preshevës, nga ora 09:30
Në 10:30 – vizitë në shkollën fillore “Vuk Karaxhiq” dhe shpërndarja e çantave dhe pajisjeve shkollore për nxënësit e klasës së parë në Stacionin Hekurudhor në Preshevë.
Derisa në ora 13:30 shpërndarja e çantave dhe pajisjeve shkollore për nxënësit e klasës së parë do të vazhdojë në shkollën “Muharem Kadriu” në Tërrnoc të Bujanocit.
Me datë 3 shtator do të shpërndahen në komunën e Medvegjës.