Komuna e Bujanocit ka hapur konkurs për përkrahjen e shoqërive ekonomike të vogla, të mesme si dhe sipërmarrësve të cilat kanë tendenca për rritje dhe punësime të reja në vitin 2019-të, të cilat zhvillojnë veprimtarinë e tyre në komunën e Bujanocit.
“Konkursi zbatohet nga Komisioni për ndarjen e mjeteve stimuluese për zhvillimin e ndërmarrësisë lokale në komunën e Bujanocit në shumën totale prej 10.000.000,00 dinarë, për veprimtaritë me seli në territorin e komunës së Bujanocit.” thuhet në thirrjen për aplikim të publikuar në faqen zyrtare të Komunës së Bujanocit në internet.
Vlenë të theksohet se vitin e kaluar Komuna e Bujanocit ka ndarë 9.700.000,00 dinar për zhvillimin e ndërmarrësisë në këtë komunë. Afati për të aplikuar në këtë konkurs është deri më 22.02.2019 përmes formularëve të cilët mundeni të i gjeni në faqen e Komunës së Bujanocit duke klikuar këtu.