Kryetarja e Komunës së Preshevës, Ardita Sinani ka takuar koordinatorin e ri të Zyrës për të Rinj, Besfort Sylejmani.
Gjatë takimit u diskutuan ide dhe projekte të reja për fuqizimin e të rinjve në Komunën e Preshevës.
Sinani ka theksuar rëndësinë e energjisë pozitive, vizionit dhe angazhimit për zhvillimin rinor, si dhe ka falënderuar kontributin e koordinores së mëparshme, Besa Asllani, në aktivitetet dhe projektet për komunitetin rinor.
“Me energji të re, ide të freskëta dhe përkushtim të pandalshëm, Zyra për të Rinj e Komunës së Preshevës po vazhdon rrugëtimin e saj për fuqizimin e të rinjve tanë, ashtu siç kemi punuar deri më tani: me pasion, transparencë dhe besim në potencialin e secilit të ri.” ka shkruar Sinani në njoftimin e publikuar në Facebook.
Takimi shërbeu si nisje për projektet e ardhshme që do të ofrojnë mundësi për trajnime, aktivitete kulturore dhe bashkëpunime rajonale, duke synuar një gjeneratë të rinjsh aktive, kreative dhe të bashkuar për Preshevën.