Një tërmet në ishullin Java në Indonezi ka shkaktuar vdekjen e së paku 162 personave dhe lëndimin e qindra tjerëve, ka njoftuar guvernatori rajonal Ridwam Kamil, raporton BBC.
Tërmeti 5.6 ballë Rihter ka goditur qytetin Cianjur në Javën Perëndimore.
Një numër i njerëzve është dërguar në trajtim në spital.
Forcat e kërkimshpëtimit po tentojnë të shpëtojnë tjerët që dyshohet se kanë mbetur të ngujuar nga shembja e ndërtesave.
Zona e goditur nga tërmeti është mjaft e populluar.
Numri i të lënduarve është mbi 360.