Në mbledhjen e sotme të zhvilluar të Qeverisë së Republikës së Kosovës të kryesuar nga kryeministri Avdullah Hoti është aprovuar kërkesa e komunës së Bujanocit për t’i dalë në ndihmë komunës së Bujanocit për dëmet e shkaktuara nga vërshimet e fundit që kapluan komunën e Bujanocit.
Kryeministri në detyrë Avdullah Hoti ka bërë të ditur se në mbledhjen e sotme të Qeverisë ka marrë vendim për të ndarë 10 mijë euro për rindërtimin e Kalasë së Ulqinit, pas dëmeve të shkaktuare nga vërshimet në Mal të Zi.
Qeveria gjithashtu ka ndarë 12 milionë euro për Ministrinë e Bujqësisë, Pylltarisë dhe Zhvillimit Rural për subvencione dhe transferime.
Hoti ka bërë të ditur gjithashtu se Qeveria ka autorizuar Klinikën e Ortopedisë në SHSKUK që në koordinim me MPMS-në dhe me Shoqatën e Invalidëve të Luftës së UÇK-së të bëjë furnizimin dhe rregullimin e protezave dhe ofrimin e shërbimeve të tjera për nevoja të invalidëve të luftës së UÇK-së. Të gjitha shpenzimet për realizimin e këtyre shërbimeve do të mbulohen nga buxheti i Kosovës, në pajtim me legjislacionin në fuqi.
I menjëhershëm ka qenë edhe reagimi i Komunës së Bujanocit në faqen e saj në rrjetin social facebook. Komuna e zbujanocit ka thënë se përveç miratimit të kërkesës në kohë rekord, ky vendim qeveritar përbën njëherit edhe përkushtim dhe interesim të vazhdueshëm të institucioneve të Republikës së Kosovës për qytetarët e Bujanocit.
“Pas vësrshimeve që shkaktuan dëme të shumta, kryetari i komunës së Bujanocit Nagip Arifi më 28.01.2021 iu kishte drejtuar kryeministrit Hoti me një kërkesë prej 200.000 eurove për një intervenim të shpejtë për t’i sanuar dëmet e shkaktuara.” thuhet mes tjerash në njoftimin e Komunës së Bujanocit.
Kërkesa për ndihmë, përkundër vështirësive buxhetore të Kosovës, është aprovuar në kohë rekord, por bazuar në përvojën e më hershme, ndihmat financiare nga Kosova për komunat e Luginës dijnë të vonohen për shkak të procedurave të komplikuara politike mes Serbisë dhe Beogradit.