Lideri i Lëvizjes Vetëvendosje, Albin Kurti, tashmë zyrtarisht ka marrë pozitën e kryeministrit të Kosovës.
Me 66 vota për e 10 abstenime kjo qeveri është zgjedhur.
Ky kabinet nuk është votuar nga Partia Demokratike e Kosovës, Aleanca për Ardhmërinë e Kosovës, Lista Serbe dhe Nisma Socialdemokrate.
Kabineti qeveritar i Kurtit do të ketë 15 ministri ku gjashtë do të udhëhiqen nga Lëvizja Vetëvendosje, gjashtë nga Lidhja Demokratike e Kosovës dhe tri nga komunitetet pakicë.
Gjatë ditës së djeshme janë bërë të ditur edhe emrat e ministrave nga dy partnerët e koalicionit.
Kryeministri i ri i Kosovës, Albin Kurti është betuar së bashku me kabinetin e tij qeveritar para deputetëve të Kosovës.
“Me përgjegjësi, përkushtim dhe ndershmëri do ti kryejmë të gjitha detyrat duke zbatuar kushtetutën e Kosovës, duke respektuar parimet dhe normat standarde për liri dhe barazi e demokraci. Betohemi”, është betuar Kurti së bashku me kabinetin e tij qeveritar.