Kryetarja e Komunës së Preshevës, Ardita Sinani, ka publikuar listën e përfituesve në konkursin për masat e efikasitetit energjetik në Komunën e Preshevës për vitin 2023.
“Edhe pse kemi hasur në vonesa, sot me kënaqësi shpallim listën e përfituesve që do të përfitojnë nga programi i bashkëfinancimit të masave të efikasitetit energjetik për vitin 2023.” ka njoftuar në facebook Sinani.
Më 12 nëntor 2024, në ora 11:00, në një ceremoni solemne do të bëhet ndarja e kontratave për përfituesit, ku do të jetë e pranishme edhe administrata komunale dhe përfaqësues të kompanive të angazhuara për realizimin e projekteve.
