Kryetari i komunës së Bujanocit, Arbër Pajaziti, ka përshëndetur iniciativën e MPK të Shqipërisë për themelimin e një drejtorie për shqiptarët e rajonit.
Postimi i Pajazitit:
Përshëndesim përkushtimin e Ministrisë së Punëve të Jashtme të Shqipërisë për krijimin e një Drejtorie për Shqiptarët në Rajon si hap tejet i rëndësishëm ndaj përkujdesjes së shtetit amë për bashkombasit e vet.
Një instutucion i këtillë do të ishte shumë i rëndësishëm sidomos për ne në Luginë, kur kihet parasysh se kemi nevojë për mbështetje më tepër se kushdo tjetër.
E vlerësojmë lartë deklaratën e Shkëlqësisë së tij, ministrit, Igli Hasani, duke qenë të bindur se idetë e tij dhe të shtetit shqiptar do të jetësohen shumë shpejt.
Një Shqipëri e përkushtuar, një Luginë stabile dhe prosperuese.