Sot, kryetari i komunës Preshevë, Ragmi Mustafa, nënshkroi kontratën me kompaninë “Saba Bellça”, për ndërtimin e infrastrukturës të “Zonës Industriale” në fshatin Çukarkë, transmeton MinistriaLajmeve.
Mustafa deklaroi se “Zona Indrustriale” në Çukarkë është një çështje shumë e rëndësishme për Komunën e Preshevës, pasi që në këtë drejtim do të ketë lokacion shumë të qëndrueshëm për një zhvillim më të mirë ekonomik në territorin e komunës sonë.
Ndërtimi i infrastrukturës të “Zonës Industriale” do të ketë mundësi ti ofrojë dhjetra parcela toke me të gjitha kapacitetet infrastrukturore ( rrugë, kanalizim atmosferik, ndriçim rrugor, telekom, ujësjellës), për invesitorët potencial dhe me këtë të krijojnë parakushtet për zhvillim të qëndrueshëm ekonomik dhe të ndikoj pozitivisht në jetën e qytetarëve.