Edhe pse renovimi i shkollës fillore “Prof.Ibrahim Kelmendi” në Preshevë kanë filluar në vitin 2018, ende pa përfunduar ato kanë filluar prishjet.
Lexo edhe: VIDEO: Pamje të reja nga dëmi i shkaktuar pas shemjes së tavanit të pjesës së re të shkollës fillore në Preshevë
Renovimi i shkollës fillore “Prof Ibrahim Kelmendi”, i cili po vazhdon që dy vite, realizohet përmes projektit me vlerë prej 150.000.000,00 din., e që financohet nga Zyra për investime publike e Qeverisë së Serbisë dhe Komunës së Preshevës.
Sot, derisa s’kanë përfunduar punime që po zhvillohen në kuadër të renovimit të kësaj shkolle, ende pa kaluar një muaj nga fillimi i vitit akademik 2020/2021, mësueset kanë lajmëruar prindërit për të mos i dërguar fëmijët e tyre për shkak të një defekti i cili ka ndodh me gypat e nxemjes së shkollës.
Punimet është dashur të përfundojnë në gushtin e vitit 2019, me qëllim që nxënësit të fillojnë vitin e ri akademik 2019/2020, mirëpo, ende edhe sot e kësaj dite vazhdon renovimi i shkollës, afat ky i vazhduar me anks kontrata.
Pak para fillimit të vitit shkollorë 2020/21, kryetari i Preshevës vizitoi këtë institucion për të parë nga afër progresin e punimeve, por, ai vetëm falemnderoj drejtoreshën për përfundimet e punimeve në njërën anë, duke mos cekur asnjëherë kur duhet të përfundojë komplet renovimi i ksaj shkolle, punime të cilat po i ofrohen vitit të tretë prej se kanë filluar të realizohen.
