Në moshën 85 vjeçare, ka ndërruar jetë ish kryetari i Preshevës, Hasan Hajrullahu.
Lajmi për vdekjen e Hajrullahut është publikuar nga familjarët e tij, ku edhe kanë njoftuar se varrimi i të ndjerit bëhet pas namazit të ikindisë.
Hajrullahu ka shërbyer si kryetar i Komunës së Preshevës nga viti 1970 deri në vitin 1978. Përveç pozitës së kryetarit, ai më herët njihej si mësimdhënës, futbollist i KF “Hajduku” në Preshevë si dhe drejtor i shkollës fillore dhe të mesme në Preshevë.
Nga viti 1978 deri në vitin 1982 ishte deputet në dhomën e komunave në Parlamentin Republikan, derisa nga viti 1982 deri në vitin 1997 ishte drejtor i enti parashkollor në Preshevë, pas të cilës pozitë edhe u pensionua.
PreshevaPRESS i shpreh ngushëllime familjes Hajrullahu!