Në territorin e komunës së Bujanocit janë zhvilluar zgjedhjet për udhëheqjen e Bashkësive Lokale.
Lidhur me këto zgjedhje ka reaguar anëtari i PVD-së, Ragmi Mustafi, i cili ka akuzuar partitë e tjera shqiptare që veprojnë në Bujanoc, për mosinteresim.
Ai ka shtuar se në Tërrnoc ka fituar kandidati i PVD, derisa në fshatrat e tjera të populluara me shqiptarë, ka patur një mosinteresim të madh nga partitë shqiptare.
Në vazhdim ju sjellim reagimin e plotë të Mustafit në facebook:
📢 Rezultate të papritura nga zgjedhjet për bashkësitë lokale në Bujanoc! 🗳️
Në të dielën e kaluar, Komuna e Bujanocit u përball me një proces zgjedhor që solli rezultate habitshme. Mos interesim i qytetarëve dhe në veçanti i partive politike.
Tërnoci i Madh ishte një prej bashkësive më të mëdha dhe më interesante lokale. Kryetari i aktualë dhe kandidati i Partisë për Veprim Demokratik (PVD), Mustaf Alishani, i priu një liste gjithëpërfshirëse të të gjitha lagjeve me 19 anëtarë që triumfoi.🫡
Përballë kësaj liste nuk guxuan ti dalin në “mejdan” as nga Partia Demokratike (PD) e Nagip Arifit dhe as Alternative për Ndryshim (APN) e Arber Pajazitit. Megjithatë, anëtarë të dy këtyre partive ishin pjesë e komisioneve zgjedhore.🤫
Ishte krejtësisht i paqartë, Reagimi i Arber Pajazitit në Facebook duke postuar një foto të fshatit Tërnoc me komentin “Sa poshtë ka ra katundi!”
Në njërën anë nuk kishte guxim të merrte pjesë sikurse edhe tutori i tij politik Nagip Arifi, në anë tjetër shfaq keqardhje për gjendjen në fshat. Alo, pse i thuni vetes politikan! 🤷
Procesi zgjedhor për bashkësitë lokale u shoqërua me disa zhvillime të papritura. Ruzhdi Halili, drejtori i ndërmarrjes më të madhe në Bujanoc, “Komunalia”, pësoi humbje dhe nuk arriti të bëhej anëtar i bashkësisë lokale të Bujanocit.🤦
Në vendvotimin në shkollën “Naim Frashëri”, as vetë anëtarët e komisionit nuk votuan, dhe materiali zgjedhor u kthye “pa naçet”.🫣
Në fshatra si Letovicë, Bilaç, Samolicë, Nesalcë dhe disa të tjera u pajtuan për të zhvilluar një proces zgjedhor paqësor dhe në përputhje me marrëveshjet e arritura në tubimin e fshatarëve për zgjedhjet e bashkësisë lokale. Në Konçul, askush nuk mori pjesë, ndërsa interesimi për bashkësitë lokale serbe ishte shumë i madh.🤔
Ky proces zgjedhor, megjithëate solli rezultate habitshme për analiza të partive politike.