Kryetari i Preshevës përmes një postimi në faqen e tij në facebook ka njoftuar se i ka shkruar letër Komesariatit për refugjat dhe personat e zhvendosur në lidhje me problematikat e krijuara së fundmi në Preshevë nga ana e refugjatëve të ardhur nga vendet e Lindjes së Mesme.
“Duke marrë parasysh situatën e krijuar kryesisht në qytetin e Preshevës dhe në disa vendbanime përreth komunës sonë, lidhur me migrantët që janë të stacionuar në Qendrën për pranimin e migrantëve në Stacionin Hekurudhor në Preshevë, ku janë shfaqur disa veprime devijante dhe delikuente nga ana e tyre, sot iu kam drejtuar zyrtarisht me shkresë urgjente Komisariatit për migrantët, që të ndërmarrin masa adekuate për parandalimin e këtyre fenomeneve, me qëllim të rikthimit të rendit dhe qetësisë publike në komunën tonë.” ka bërë të ditur Shqiprim Arifi në faqen e tij në facebook, përmes një positmi.
