Kryetari i Këshillit Kombëtar Shqiptar në Serbi, Nevzad Lutfiu, po qëndron në Shqipëri si i ftuar për të diskutuar në panelin me temën “Hapësira shqiptare në gjeopolitikën e rajonit”.
Lutfiu përmes një postimi në Facebook ka njoftuar se gjatë diskutimit ka kërkuar nga diplomatët shqiptarë që ta kenë në agjendën e tyre çështjen e shqiptarëve të Luginës, sepse sot shqiptarët e Luginës janë ndërgjegja e kombit shqiptar.
Pas pjesëmarrjes në këtë panel diskutim, Lutfiu ma takuar Presidentin e Shqipërisë, Bajram Begaj.
“Sot takova presidentin e Shqipërisë, z.Bajram Begaj.Mbështetja e Shqipërisë është esenciale, ne jemi në fokusin e shtetit shqiptar.” ka shkruar në facebook Lutfiu.