Deputeti popullor, Shaip Kamberi, ka theksuar sot se në këto rrethana nuk do të kishte shqiptar që do të pranonte ndonjë post qeveritar në Beograd dhe kështu të bëhet marionetë e pushtetit.
“ Na kanë thënë edhe miqtë ndërkombëtar se “Plani 7 pikësh” për shqiptarët e Luginës është edhe Bibël dhe Kur’an”, andaj nuk duhet hequr dorë nga ky fakt, tha Kamberi, raporton FOLonline.
Deputeti i vetëm shiptar tha se me presidentin Vuçiq nuk kanë folur konkretisht për oferta pozitash ngase paraprakisht i ka patur në tavolinë kërkesat tona, theksoi ndër të tjera Kamberi.
Bashkë me Kamberin, në konferencë po marrin pjesë edhe kryetari i KKSH, Nevzad Lutfiu dhe personi i autorizuar pranë listës “Beteja politike e shqiptarëve vazhdon”, Rahim Salihi.