Faton Bislimi emërohet përfaqësues i “Sister Cities International” për Kosovën, Shqipërinë dhe Maqedoninë.
Faton Bislimi është zgjedhur përfaqësues kombëtar për Kosovën, Shqipërinë dhe Maqedoninë e Veriut në organizatën prestigjioze “Sister Cities International”, me seli në Washington D.C, transmeton albinfo.ch.
Ky emërim, i miratuar nga Bordi i organizatës, vjen pas angazhimit të tij që nga viti 2015 në nxitjen e bashkëpunimit ndërmjet komuniteteve shqiptare dhe atyre amerikane.
Bislimi u shpreh se do të punojë për të forcuar shkëmbimet kulturore, arsimore dhe ekonomike mes qyteteve shqiptare dhe atyre të SHBA-së, duke theksuar rëndësinë e diplomacisë publike si urë miqësie mes popujve.