Data 16 tetor është dhe dita botërore e ushqimit, një ditë që mbledh 150 vende por dhe shumë organizata kombëtare dhe ndërkombëtare për të rritur ndërgjegjësimin për çështje si varfëria dhe uria.
Në vitin 2015, nga Organizata e Kombeve të Bashkuara është bërë me dije synimi që deri në vitin 2030 të ketë një përmirësim të jetës së njerëzve sa i përket ushqyerjes e ndërkohë qëllimi kryesor është që të zhduket uria në botë.
Për të arritur këtë qëllim OKB ka parashtruar dhe hapat që duhen ndjekur:
- Të drejtat e njeriut
- Politika koherente dhe veprimi i koordinuar në nivel kombëtar, rajonal dhe global
- Zbatimi transformues dhe investimet në prodhim dhe konsum të qëndrueshëm
- Gratë si nëna, fermere dhe sipërmarrëse
- Administrimi gjithëpërfshirës i palëve të interesit në të gjitha nivelet
- Riorganizimi i sistemeve të bujqësisë dhe ushqimit përballë ndryshimit të klimës
Ditën e sotme Organizata e Kombeve të Bashkuara ka sjellë edhe njëherë në vëmendje rëndësinë e ushqimit përmes një postimi në Twitter ku thuhej se ushqimi është shpresë, shëndet dhe shtëpi. /Euronews Albania