Kryetari i Preshevës po manipulon me opinionin publik duke mbajtur dy standarde në komunikimin e tij me publikun.
Mbrëmë Shqirim Arifi përmes Twitterit ka pranuar realitetin në lidhje me gjendjen e pandemisë Covid19 në të cilën ndodhet Presheva, gjë të cilën nuk e ka publikuar edhe në faqen e tij në facebook.
Ai përmes Twitterit ka thënë se në Preshevë tanimë kemi dy raste të konfirmuara përmes PCR testit që kanë rezultuar pozitiv, lajm të cilin nuk e ka publikuar në faqen e tij në rrjetin tjetër social facebook, të cilin edhe e ka shfrytëzuar gjatë gjithë pandemisë për të informuar qytetarët.
Këtë lajm Arifi e ka bërë të ditur gjatë ditës së djeshme, më 17.07.2020 në ora 10:53 derisa të njejtën gjë nuk e ka bë edhe në faqen e tij në facebook.