Deputeti shqiptar në Parlamentin e Serbisë, Shaip Kamberi, ka bërë disa replika të ashpra me ministren e Integrimeve Evropiane Jadranka Joksimoviq dhe me shefin e Grupit Parlamentar të SNS-së, Aleksandar Martinoviq.
Kamberi ka shpërndarë në profilin e tij në “Facebook” fjalimin ku dëgjohet duke replikuar me ministren Joskimoviq.
“Pjesëmarrja ime në Parlament është rezultat i pjesëmarrjes në zgjedhje dhe përkrahjes së qytetarëve. Demokracia e as shteti nuk më kanë dhënë dhuratë këtë mandat. Nuk më keni falur ju asgjë. Nuk është kjo e drejtë të cilën me zemërgjerësi na ka falur shteti. Nëse të drejtën time që të flas lirshëm e konsideroni si rezultat të jashtëzakonshëm të demokracisë, atëherë, zonja dhe zotërinj ju keni probleme serioze me demokracinë. E nëse po flisni për Bujanocin dhe mospërfshirjen e partive politike serbe në shumicën e re, kujtoni Medvegjën, ku për herë të parë në vitin 2018 i keni përjashtuar shqiptarët nga qeverisja lokale”, ka thënë Kamberi, transmeton “Telegrafi”.
Më tej ai ka thënë: “Ju nuk e keni hallin e serbëve të Bujanocit, ju e keni hallin e SNS-së në opozitë”.
Replika me Ministrin e punëve të jashtme Nikola Selakovic, Ministreshën për integrime evropiane Jadranka Joksimovic dhe…
Posted by Shaip Kamberi on Tuesday, December 29, 2020