Organizata Botërore e Shëndetit ka paralajmëruar botën që, kur bëhet fjalë për pandeminë e Coronavirusit, “më e keqja nuk ka ardhur ende”.
Shefi i OBSH-së, Tedros Gebrejesus tha se virusi do të infektojë shumë më tepër njerëz nëse qeveritë nuk fillojnë të zbatojnë politika të duhura dhe korrekte, raporton BBC, transmeton Reporteri.
Mesazhi i tij ishte “Testimi, gjurmimi, izolimi dhe karantina”.
Më shumë se 10 milionë raste janë raportuar në të gjithë botën që kur koronavirusi u shfaq në Kinë në fund të vitit të kaluar. Numri i pacientëve të vdekur tani është mbi 500 mijë.
Gjysma e rasteve të konfirmuara janë në Shtetet e Bashkuara dhe Evropë, por Covid19 po përhapet me shpejtësi edhe në kontinentin Amerikan. Virusi po prek gjithashtu Azinë e Jugut dhe Afrikën, ku kulmi pritet të arrijë në fund të korrikut. /Reporteri.net