Sot në Bujanoc janë mbajtur zgjedhjet për Këshillin Kombëtar Shqiptar në Serbi.
Sipas rezultateve të para, Partia për Veprim Demokratik, në bazë të votave të elektorëve ka siguruar 5 mandate tëkëshilltarëve në KKSH.
Ajo që bie në sy është se kryetari i deritanishëm i Këshillit Kombëtar Shqiptar, Ragmi Mustafi, është tërhequr në heshtje nga lista e PVD-së.
PreshevaPRESS mëson se përveç Ragmi Mustafit, nga lista e Partisë për Veprim Demokratik është tërhequr edhe Burhan Halili, kryetari aktual i degës së Partisë për Veprim Demokratik në Bujanoc.
Partia për Veprim Demokratik ka siguruar 5 mandate të këshilltarëve në Këshillin Kombëtar Shqiptar në Serbi. Pas tërheqjes së Mustafit dhe Halilit nga lista e PVD-së, sipas rradhitjes në listë detyrën e këshilltarit do ta ushtrojnë:
- Enkel Rexhepi
- Florije Hida
- Driton Bilalli
- Ismail Pajaziti
- Vazhide Sabedini
Sipas marrëveshjes për krijimin e koalicionit qeverisës në KKSH, Partia për Veprim Demokratik do të udhëheqë me KKSH-në dy vitet e fundit të këtij mandati.
Për arsye jo të njohura asnjëri nga partnerët e koalicionit qeverisës në KKSH nuk kanë publikuar marrëveshjen, dhe nuk dihet se cili nga këshilltarët e PVD-së do ta zë vendin e Mustafit si udhëheqës i KkSH-së për dy vitet e fundit të këtij mandati.