Në Kosovë deri tani janë regjistruar 283 raste të prekura me Covid-19, 58 prej të cilëve janë shëruar, ndërsa 7 kanë vdekur. Nga 38 komuna në Kosovë, 26 janë prekur me koronavirus e shtatë nga to aktualisht janë futur në karantinë.
Komuna që më së shumti është prekur nga virsui Covid-19 është Malisheva, e cila kryeson me 65 rate të konfirmuara deri tash.
Pas saj vijnë, Prishtina me 46 raste të konfirmuara, Mitrovica e Veriut me 22, Vushtrria me 21, Ferizaj me 20.
Tetë nga këto komuna janë futur në karantinë, masë parandaluese kjo e cila ende nuk është shfuqizuar nga asnjë komunë.
Komunat të cilat futur në karantinë janë: Prishtina, Ferizaj, Malisheva, Klina, Vitia, Zveçani, Suhareka dhe Mitrovica e Veriut.
Mbrëmjen e djeshme është raportuar se njëzet raste të reja me koronavirus janë konfirmuar sot në Prishtinë. Ministria e Shëndetësisë ka vendosur që kryeqyteti i Kosovës të futet në karantinë, e pas Prishtinës është vendosur të karantinohet edhe për Komuna e Suharekës.
“Nga 94 mostra të testuara sot në Laboratorin e Mikrobiologjisë Molekulare në IKSHPK, për SARS-Cov-2, njëzet (20) prej tyre kanë rezultuar pozitive në Prishtinë”, ka bërë të ditur Ministria e Shëndetësisë, nëpërmjet një njoftimi.
Derisa Komuna e Suharekës është vendosur të karantinohet pas konfirmimit të rastit të dytë me Covid19 ka bërë të ditur kryetari i Komunës së Suharekës, Bali Muharremaj,
“Komuna e Suharekës shpallet zonë karantinë. Ndërsa fshatrat Semetisht dhe Bllacë shpallen Vatra të përhapjes së Infeksionit”, njoftoi Muharremaj.