Kuvendi i Serbisë ka konfirmuar sot dorëheqjen e kryeministrit serb Millosh Vuçeviq.
Vuçeviç dha dorëheqjen e tij të parevokueshme më 28 janar, pas një sulmi ndaj studentëve në një bllokadë në Novi Sad.
Me konfirmimin e dorëheqjes së kryeministrit, qeveria bëhet teknike dhe nis një afat 30-ditor për zgjedhjen e qeverisë së re.
Nëse brenda 30 ditëve nuk zgjidhet qeveria e re, do të mbahen zgjedhjet parlamentare.
Qeveria e Millosh Vuçeviqit u zgjodh në një seancë të mbajtur më 2 maj 2024.