Janë bërë dhjetë muaj që prej ndalimit të Nezir Mehmetajt nga autoritetet e Serbisë.
Së fundi gjykata serbe ia ka vazhduar edhe për 30 ditë paraburgimin Mehmetajt.
Është Valon Mehmejtaj, vëllai i Nezir Mehmetajt, që e ka konfirmuar këtë.
“Me 4 tetor është marrë vendimi për vazhdimin e paraburgimit edhe për një muaj”, është shprehur ai përmes telefonit për klankosova.tv.
“Si familje po kërkojmë që të përdorim çdo mundësi, çdo opsion. Kemi shpenzuar për këtë periudhë shumë dhe nuk kemi marrë kurrfarë ndihme nga institucionet, përveç që na i kanë gjetur avokatët, por të cilët ne i kemi paguar”.
Nezir Mehmetaj është ndaluar nga autoritetet serbe në janarin e këtij viti. Mbi të rëndojnë akuzat për krime lufte.