Në adresat e rekrutëve nga Vraja dhe komunat fqinje kanë marrë ftesa ushtarake për “përgjigje të detyrueshme ndaj stërvitjes dymbëdhjetëditore ushtarake që të mbahen në bazën ushtarake JUG”, në Bujanoc kanë konfirmuar bashkëbiseduesit e Danasit.
Në ftesa thuhet se rekrutët e forcave rezervë të Ushtrisë së Serbisë janë të obliguar të paraqiten në Bazën Ushtarake Jugore në afërsi të Bujanocit, ku, siç i tha gazetarit të Danasit, do të qëndrojnë “çdo ditë nga shtatë deri në orën pesëmbëdhjetë”.
Ftesat ushtarake i referohen edhe objektit ushtarak në Surdulicë, ku “bëhet trajnimi ushtarak i pjesëtarëve të njësive teknike” për 10 deri në 15 ditë.
“Kam marrë ftesë për stërvitje ushtarake për të dytën herë radhazi dhe duhet të përgjigjem edhe pse jam në punë, por nuk e di kush do të më dëmshpërblejë dhe sa janë rrogat ditore”, tha për Danas një nga banorët e Vrajës i cili ka marrë ftesë për stërvitje ushtarake në bazën JUG, e cila fillon më 3 maj.
Bashkëbiseduesit e kësaj gazette thonë se “nuk mund të kontrollojnë nëse do të kenë ushqim gjatë ditës gjatë stërvitjes”, si dhe si do të organizohet transporti për në dhe nga objektet në baza ditore”.