Gjilani sot më 26 shkurt me një sërë aktivitetesh ka shënuar ditën e dëshmorëve të UÇPMB-së.
Me fillim nga ora 11:00 janë bërë homazhe tek vëndi i rënies në fshatin Koncul, derisa nga ora 13:00 janë bërë homazhe tek varrezat e dëshmorëve në Gjilan.
Në homazhet tek varrezat e dëshmorëve në Gjilan, ish komandanti i UÇK-së, Ahmeti Isufi tha se kjo ditë shënon përpjekjet e mëdha të shqiptarëve në këto territore të cilët luftuan për të lirinë e tyre
“Prandaj, edhe sot jemi bashkë si vëllezër qëtë jemi krah për krah në të drejtën tonë dhe për ngritjen dhe zhvillimin e kombit tonë”, tha Isufi.
Nga ora 14:00 është mbajtur akademia përkujtimore në sallën e Teatrit të Qytetit të Gjilanit.
Në akademinë përkujtimore, kryetari i Komunës së Gjilanit, Alban Hyseni tha se 26 shkurti është datë e rëndësishme ku i përkujtojnë dëshmorët e luftës që bëhej për drejtësi e barazi.
Hyseni tha këta dëshmorë, janë dëshmia më e fuqishme sepse ata nuk luftuan për vetën e tyre, por për brezat e tyre.
Ndër të tjera, ai tha se si komunë dhe si institucional kanë për detyrë të mbështesin katëgoritë e dala nga lufta, familjet e dala nga lufta, invalidëd dhe veteranët, sepse sipas tij, sakrifica e tyre është themeli mbi të cilën ndërtohet e ardhmja.
Në ora 15:00 është bërë zbulimi i obeliskut të dëshmorëve të UÇPMB-së në Gjilan.
Përgjatë ceremonisë, u tha që zbulimi i këtij obelisk është kushtuar luftës dhe dëshmorëve të UÇPMB-së(Ushtrisë Çlirimtare për Preshevë, Medvegjë dhe Bujanoc).