Presidenti turk Rexhep Tajip Erdogan mbërrin në Katar të hënën dhe do të takohet me Emir Shejh Tamim bin Hamad Al Thani në një vizitë zyrtare për të diskutuar çështjet rajonale dhe marrëdhëniet bilaterale.
Ankaraja dhe Doha janë aleatë të afërt rajonalë, pasi kanë zhvilluar lidhje të forta gjatë kohës së provës, ndërsa udhëheqësit e vendeve gëzojnë një marrëdhënie të fortë personale.
Të dy qeveritë kanë parë me të njëjtin sy një varg çështjesh të politikës së jashtme rajonale vitet e fundit, të tilla si lufta siriane, gjendja e vështirë e popullit palestinez dhe grushtshteti i Egjiptit në 2013, transmeton Telegrafi.
Marrëdhëniet ekonomike midis dy palëve kanë qenë të forta, veçanërisht që nga shpërthimi i krizës së Gjirit në vitin 2017, kur Arabia Saudite, Emiratet e Bashkuara Arabe , Bahreini dhe Egjipti imponuan një bllokadë ndaj Katarit dhe ndërprenë marrëdhëniet diplomatike.
Një vit më parë, kur qindra njerëz u vranë në një grushtshtet të dështuar në Turqi, emiri i Katarit ishte lideri i parë botëror që thirri Erdogan dhe i shprehu mbështetje qeverisë së tij.
Ndërkohë, Katari ka lëshuar deklarata mbështetjeje për operacionet ushtarake të Turqisë në veri të Sirisë vitet e fundit, kur Ankaraja sulmoi luftëtarët kurdë, që i konsideron “terroristë” për t’i larguar ata nga kufiri i saj jugor.
Sipas të dhënave nga Instituti Shtetëror i Statistikave Turke, eksportet e Turqisë në Katar arritën 1.1 miliard dollarë në 2018, një rritje prej 69 për qind në krahasim me 650 milionë dollarë vitin e kaluar.
Gjatë së njëjtës periudhë, eksportet e Katarit në Turqi u rritën në 27 për qind, nga 264 milionë dollarë në 335 milionë dollarë. Vëllimi i përgjithshëm i tregtisë ishte 1.44 miliardë dollarë në 2018 dhe parashikohet të rritet edhe më tej këtë vit.