Gazetari turk, Can Dundar i cili jeton në mërgim në Gjermani, është dënuar në Stamboll për spiunazh dhe mbështetje te terrorizmit. Sipas vendimit të gjykatës, ai kishte marrë sekrete shtetërore me qëllim spiunazhi ushtarak dhe politik.
Avokatët e gazetarit turk e bojkotuan gjyqin. Ata thanë se nuk dëshironin të legjitimonin një gjykim që tashmë ishte vendosur politikisht.
Kohët e fundit gjykata e kishte shpallur Dündarin person në arrati. Në tetor, asetet e tij në Turqi u konfiskuan nga autoritetet.
Dündari ka jetuar në Gjermani që nga fundi i verës së vitit 2016. Kundër tij në vendlindje ka disa procese gjyqësore.
Turqia kritikohet rregullisht për kufizime sistematike të lirisë së shtypit. Shoqata e Gazetarëve Gjermanë e cilësoi vendimin kundër Dündar nje “akt barbarie”. Në këtë kontekst autoriteteve gjermane të sigurisë iu kërkua mbrojtja e plotë e gazetarit turk.