Komisioni Rregullator për Energjetikë (KRRE) në Maqedoninë e Veriut ka njoftuar ndryshime në çmimet e derivateve të naftës, të cilat hyjnë në fuqi nga data 25 mars 2025, në orën 00:01.
Sipas vendimit të KRRE-së, nga mesnata çmimet maksimale të shitjes me pakicë do të jenë si më poshtë:
EUROSUPER BS – 95: 75,00 denarë për litër
EUROSUPER BS – 98: 77,50 denarë për litër
EURODIZEL BS (D-Е V): 68,00 denarë për litër
Vaj për djegie Ekstra i Lehtë 1 (EL-1): 68,00 denarë për litër
Mazut М-1 SU: 40,755 denarë për kilogram
Këto ndryshime përfshijnë një rritje prej 0,50 denarë për litër për EUROSUPER BS – 95 dhe 1,00 denarë për litër për EUROSUPER BS – 98. Ndërkohë, çmimi i EURODIZEL BS (D-Е V) është ulur me 0,50 denarë për litër, ndërsa çmimi i Vajit Ekstra të Lehtë për Amvisëri (EL-1) mbetet i pandryshuar. Çmimi i Mazutit М-1 SU ka pësuar një ulje prej 0,590 denarë për kilogram.
Derisa këto çmime janë specifike për Maqedoninë e Veriut, është e rëndësishme të theksohet se ato po ndikojnë edhe në tregun e derivateve në Preshevën, pasiqë qytetarët e Luginës së Preshevës kryesisht po furnizohen me derivate në Maqedoninë e Veriut dhe në Kosovë, për arsye të çmimeve më të lira se në vend.