Një aksident i rëndë komunikacioni në të cilin kanë marrë pjesë mbi 50 automjete e bllokoi lëvizjen në autostradën A71 në Bavari, Gjermani, publikuan mediat lokale.
Në aksident janë lënduar mbi 25 persona, ndërsa gjendja e katër personave është kritike. Shumica e shoferëve dhe udhëtarëve kanë qenë të bllokuar në automjete derisa nuk kanë arritur shërbimet për shpëtim.
Në operacionin për shpëtim janë evakuuar dhe përfshirë edhe dy helikopterë të policisë.