Një delegacion i Luginës së Preshevës, me financim të Qeverisë së Kosovës, po qëndron në Uashington, për të diskutuar me politikanë amerikanë, për çështjet e të drejtave të shqiptarëve në Serbi. Gjatë takimeve atje, liderët e Luginës kanë kërkuar që çështja e shqiptarëve të Luginës së Preshevës të jetë pjesë e dialogut Kosovë-Serbi.
Në emër të këtij lidrshipi, ka folur deuteti shqiptar në Parlamentin e Serbisë, Shaip Kamberi. Ai ka thënë se në takimet e djeshme në Uashington, i kanë njoftuar senatorët amerikanë për problematikat me të cilat përballen shqiptarët e Luginës së Preshevës.
“Kanë kërkuar nga zyrat e senatorëve që çështja e shqiptarëve të Luginës të jetë në agjendën e politikës së jashtme të SHBA-së, e të jetë edhe pjesë e dialogut mes Kosovës dhe Serbisë”, thotë Kamberi në një video të publikuar në Facebook.
Pas kësaj vizite, Kamberi shpreson se çështje e Luginës së Preshevës do të merr një dimension tjetër për të drejtave të shqiptarëve atje.
“Sot patëm një brifing në zyrat e senatorëve Ernst e Peters, në të cilin diskutuam për çështjen e problematikat e shumta me të cilat ballafaqohen shqiptarët e Luginës së Preshevës…Kërkuam nga zyrat e senatorëve të nderuar që çështja e shqiptarëve të Luginës të jetë në agjendën e politikës së jashtme të SHBA-së, e të jetë pjesë e dialogut mes Kosovës dhe Serbisë, që të trajtohen të gjitha çështjet problematike që do të rëndojnë të ardhmen raportet mes dy shteteve”, ka thënë Kamberi.
Ndryshe, dje delegacioni i Luginës u pritën nga senatorët Joni Ernst (Republikan nga Iowa) dhe Gary Peters (Demokrat nga Michigan), si bashkëkryesues të Grupit për Çështje Shqiptare në Senat.