Dje në hapësirat e Kuvendit Komunal në Preshevë, Alternativa për Ndryshim në Preshevë ka realizuar Kuvendin zgjedhor të degës nga i cili kanë zgjedhur edhe udhëheqësinë e degës së Alternativës për Ndryshim në Preshevë.
Gjatë ditës së diel, më 26 janar 2020 me fillim në ora 11:00, në sallën e Kuvendit Komunal, është mbajtur Kuvendi themelues i Degës së Alternativës për Ndryshim në Preshevë. Pas mandatimit të delegatëve të Kuvendit themelues, u propozuan dhe u zgjodhën anëtarët e Kryesisë së Degës së Alternativës për Ndryshim në Preshevë.
Pas zgjedhjes së Kryesisë, u procedua me propozimin dhe zgjedhjen e kryetarit të Degës, si dhe nënkryetarët dhe sekretari i degës së Alternativës për Ndryshim në Preshevë, sipas pikave të parapara në rendin e ditës.
Për kryetar të Degës së Alternativës për Ndryshim në Preshevë, nga anëtarët e kryesisë u propozua dhe u zgjodh unanimisht Veli Mustafa, ndërsa me shumicë votash për nënkryetare u zgjodhën Dëshira Kamberi dhe Bjondina Memeti, kurse për sekretare u zgjodh Mimoza Saqipi.
