Në Kuvendin e Republiëks së Kosovës ka vazhduar seanca e thirrur për mocionin e mosbesimit ndaj Qeverisë Kurti.
19:15 / Abdulla Hoti vjen në seancë dhe fton deputetët të mbështesin mocionin për rrëzimin e Kurtit
Zëvendëskryeministri i Kosovës nga radhët e LDK-së, Avdullah Hoti ka thënë se Qeveria Kurti nuk ishte vetëm e Kurtit, por edhe e LDK-së dhe VV-së dhe të tjerët. Ai ka thënë se ishin të bindur se për ti dhënë vendit një perspektivë të re.
Por, tha se marrëveshja me Serbinë u pengesë që kjo qeveri të prishet.
“Tonet bolshevike që vinin nga dhomat partiake LDK nuk i pranon kurrsesi. Është e papranueshme që ne të rrimë në Qeveri e partneri ynë feston kur investitorët ikin nga Kosova” ka thënë ai.
I mbështetur për muri nga kërkesat amerikane dhe mos guximi për të marrë vendime, përmes shkarkimit të Veliut, tha Hoti, LDK u bind nga Kurti se nuk ka më vend në Qeveri.
Ai tha se e shkarkoi Veliun për ta lënë aty një zëvendësministër të tij, për të bërë votat me shumicë në qeveri.
Numri i dytë në Qeveri tha se Kurti e ka bërë të qartë se nuk dëshironte partneritet.
“Mocioni është i mbështetur në dy parime: nuk mund të ketë qeveri demokratike e cila shkatërron raportet me SHBA-në. Le te bëhemi të sinqertë se pa SHBA-në është të pamundshme të ruajmë paqen në rajon. Dhe e dyta. Në qeverinë e Kosovës të vitit 2020 nuk ka vend për autorkraci. Në LDK mendimin e kemi vlerë e jo antivlerë e kufizim për veprim”, ka deklaruar Hoti teksa ka bërë thirrje të mbështetët ky mocion.
18:30 / Rexhep Selimi në emër të LVV-së refuzon propozimin e ministrit Anton Quni
Shefi i grupit parlamentar të VV-së, Rexhep Selimi, ka thënë se VV-ja e çmon vullnetin e Qunit për ofertë, por që përgjgijen sipas tij e dha vetë i shkarkuari Agim Veliu. Rexhep Selimi gjatë fjalës së tij, në mënyrë jo të drejtpërdrejtë ka refuzuar ofertën e Qunit. Selimi tha se ka një shans të vetme që të i vazhdohet jeta koaliconit, e ai është duke e tërhequr mocionin.
Pas refuzimit që Rexhep Selimi i bëri propozimit të Qunit, në foltore doli ministri Anton Quni i cili duke u thirur në përvojën ushtarake të mëhershme të të dy deputetëve, kërkoi nga Selimi të mos mirret me fjalime e analiza të deklaratave të të tjerëve, por nëse dëshiron të vazhdojë jetën e koalicionit LDK – LVV, të kryjë pjesën e tij, derisa Quni do ta krynte pjesën e vet sipas propozimit të tij.
Fjalimit të Selimit ju ka përgjegjur shefi i grupit parlamentar të LDK-së, Arben Gashi, duke thënë fjalimi i Rexhep Selimit nënkuptohet se oferta e Qunit është refuzuar nga Lëvizja Vetëvendosje dhe se ky subjekt është ai i cili nuk dëshiron të zgjasë bashkëqeverisjen. Gashi gjatë debatit me Selimin i kujtoi se vetëm ai është i autorizuar të flasë në emrin e LDK-së, dhe deputetët tjerë flasin në emrin e tyre individualisht.
18:14 / Kuvendi i Kosovës vazhdon seancën për mocionin e mosbesimit të Qeverisë Kurti
Kjo seancë ishte paraparë të fillonte në orën 11:00, por që nisi me 46 minuta vonesë.
Pas pesë orëve debat në mes të deputetëve, ministrave dhe kryeministrit, u vendos që Kuvendi të bënte një pazuë njëorëshe, të cilën e kishte propozuar deputeti i Lëvizjes Vetëvendsje, Rexhep Selimi.
Parashkruajes në pauzë, ministri i Mbrojtjes nga radhët e LDK-së, e ka paraqitur një mundësi për kompromis në rast se Kurti do ta tërhiqte vendimin për shkarkimin e Agim Veliut nga pozita e ministrit të Brendshem.
Quni tha se do të bisedonte me kreun e LDK-së dhe deputetët e partisë, nëse Kurti merr në konsideratë ofertën e Isa Mustafës për kthimin e Veliut në post dhe tërheqjen e taksës.
Seanca e mosbesimit ndaj Qeverisë Kurti është inicuar nga Lidhja Demokratike e Kosovës, pas shkarkimit të Agim Veliut nga pozita e ministrit të Brendshëm.