Presidenti i Kosovës, Hashim Thaçi, në orët e hershme të mëngjesit të sotëm, ka kërkuar ndihmë mjekësore në QKUK pas disa komplikimeve shëndetësore që ai i ka pasur.
Thaçi është shtrirë në klinikën e Urologjisë për t’i kryer trajtimet mjekësore.
Sipas GazetësExpress Presidenti Hashim Thaçi pas disa problemeve shëndetësore ka përfunduar në QKUK ku edhe ka marrë trajtim mjekësor. Mësohet se Thaçi u është nënshtruar analizave mjekësore nga stafi i urologjisë, aty ku edhe ka qëndruar përafërsisht deri në mesditë.
Kështu kanë bërë të ditur përmes një njoftimi për media nga presidenca.
“Pas shqetësimeve të para, presidenti Thaçi sot në mëngjes kishte shkuar në Emergjencën e QKUK-së dhe me rekomandimin e personelit mjekësor profesional ishte drejtuar në Klinikën e Urologjisë, ku i ka bërë analizat dhe ka marrë trajtimin për dhimbjet që shkaktojnë gurët në veshkë.
Presidenti i Republikës së Kosovës e falënderon gjithë personelin e Qendrës Klinike dhe Universitare të Kosovës për kujdesin e treguar”, thuhet në njoftim.