Politika Redaktuese
1. Parimet Themelore
PreshevaPRESS është një medium i pavarur që synon të ofrojë informacion të saktë, objektiv dhe të paanshëm mbi zhvillimet lokale, rajonale dhe ndërkombëtare me interes për komunitetin shqiptar në Luginën e Preshevës.
2. Objektiviteti dhe Paanshmëria
Ne mundohemi që të respektojmë standardet më të larta të gazetarisë, duke siguruar që raportimi ynë të jetë i balancuar, i verifikuar dhe paanshëm. Çdo lajm, analizë apo opinion bazohet në burime të besueshme dhe të verifikuara.
3. Transparenca dhe Etika Profesionale
Gazetarët dhe redaktorët e PreshevaPRESS janë të përkushtuar ndaj etikës profesionale dhe parimeve të transparencës. Marrëdhëniet me burimet e informacionit mbeten konfidenciale dhe çdo konflikt interesi deklarohet hapur.
4. Përgjegjësia ndaj Publikut
Si medium i komunitetit, ne respektojmë të drejtën e publikut për t’u informuar me saktësi dhe paanshmëri. Komuniteti ynë është pjesë e pandashme e procesit tonë redaktues, dhe ne inkurajojmë pjesëmarrjen e tij përmes komenteve, sugjerimeve dhe feedback-ut konstruktiv.
5. Politika e Redaktimit dhe Korrektësisë
PreshevaPRESS angazhohet për korrektësi gjuhësore dhe përmbajtësore. Çdo artikull i publikuar i nënshtrohet një procesi rigoroz redaktimi për të siguruar saktësi dhe qartësi. Gabimet e identifikuara korrigjohen menjëherë dhe në mënyrë transparente.
6. Liria e Shprehjes dhe Kufizimet Etike
Ne mbrojmë lirinë e shprehjes, por refuzojmë çdo përmbajtje që përmban gjuhë të urrejtjes, dezinformim, diskriminim apo thirrje për dhunë. Çdo opinion i botuar shpreh qëndrimin e autorit dhe jo domosdoshmërisht atë të redaksisë.
7. Politika për Burimet dhe Citimin
Të gjitha informacionet duhet të bazohen në burime të verifikuara. Citatet nga burime të tjera duhet të atribuohen saktësisht dhe në përputhje me standardet e gazetarisë profesionale.
8. Politika për Përmbajtjen e Sponsorizuar
Artikujt e sponsorizuar, reklamat dhe përmbajtjet promovuese do të shënohen qartë për të garantuar transparencën ndaj lexuesve. Ne nuk lejojmë ndikim editorial nga sponsorët mbi përmbajtjen tonë të pavarur.
9. Rishikimi dhe Përditësimi
Politika Redaktuese e PreshevaPRESS është një dokument i hapur për rishikim dhe përditësim të vazhdueshëm, bazuar në zhvillimet e reja në fushën e gazetarisë dhe nevojat e komunitetit tonë.
Për çdo koment apo sugjerim mbi Politikën Redaktuese, lexuesit tanë janë të mirëpritur të kontaktojnë redaksinë në: bordi@preshevapress.com