Pronarët e bizneseve në fushën e gastronomisë në Preshevë kanë humbur durimin.
Vetëm dy ditë para se të bëhet një muaj i plotë nga vendimi për kufizimin e orarit të punës së bizneseve që ofrojnë shërbime në fushën e gastronomisë, pronarët e këtyre bizneseve janë rrebeluar.
Ata kanë vendosyr që nga dita e sotshme të kthejnë orarin e punës sikurse para datës së 20 korrikut, kur edhe u kufizua orari i punës nga Shtabi komunal për situata të jashtëzakonshme.
Ky vendim i tyre vjen si pasojë e neglizhencës nga ana e Komunës së Preshevës. Pronarët e bizneseve në fjalë kanë kërkuar takim fillimisht me Kryetarin e Komunës së Preshevës, Shqiprim Arifi. Pasi që nuk kanë hasur në gatishmërinë e tij për takim, të njëjtit disa ditë më vonë kanë reaguar duke paraqitur një kërkesëme shkrim përmes të cilës kanë kërkuar rishqyrtimin e masës për kufizimin e orarit të punës.
Pasi që ende nuk kanë pranuar asnjë përgjigje, ata kanë vendosur që sot të mbajnë hapur kafiteritë dhe të punojnë në orarin e rregullt të tyre 08 – 00.
Më poshtë ju sjellim disa nga paralajmërimet e kafiterive për marrjen e këtij vendimi.
