Sot aktivistët e Forumit Rinor të Partisë për Veprim Demokratik në prag të festave të fundvitit kanë zhvilluar aktivitet në të cilin në formë simbolike i dhueuan dhurata Komunës së Preshevës duke pyetur për premtimet e dhëna më herët.
Forumi Rinor i PVD-së në Preshevë, sot kanë vendosur para objektit të Komunës së Preshevës disa dhurata me pyetjet për premtimet e bëra nga Shqiprim Arifi gjatë fushatave të mëhershme.
Mes pyetjeve të parashtruara nga të rinjtë e PVDsë përmes dhuratave simbolike për festat e fundvitit, kanë qenë ironizimi me premtimin për sigurimin e uhit të pijshëm për 24 orë në ditë, vendosja e semaforave, çështja e tenderomanisë dhe sjelljes së oligarkisë, etj.
Gjatë këtij aksioni të rinjtë e PVD-së janë pyetur nga përfaqësues të policisë lokale por ende nuk janë bërë publike detaje të sakta se ç’farë ka ndodhur. Aktivitetete e Forumit Rinor të PVD-së kanë filluar me emërtimin e Organit të përkohshëm dhe siç duket do të vazhdojnë gjatë tërë fushatës parazgjedhore deri në mbajtjen e zgjwdhjeve tē parakohshme në vitin 2021.
