Në pikat për shitjen e karburanteve në teritorin e Serbisë, duke filluar nga sot në ora 15:00, një litër eurodizel do të kushtojë 201 dinarë, ndërsa një litër benzinë europremium BMB do të kushtojë 194 dinarë, ka raportuar gazeta Blic.
Krahasuar me javën e kaluar, dizeli e ka mbajtur çmimin, ndërsa benzina është bërë më e lirë për dy dinarë, shkruan Blic.
Çmimet e reja të karburanteve do të jenë në fuqi deri të premten e ardhshme, më 31 maj.
Qeveria e Republikës së Serbisë ka miratuar më parë Rregulloren e ndryshuar për kufizimin e çmimit të derivateve të naftës, me qëllim që të zvogëlohen kostot e larta me të cilat përballen prodhuesit bujqësorë dhe të sigurohet zbatimi i të gjitha operacioneve të nevojshme agroteknike.