Është mbyllur zyrtarisht në orën 19:00 procesi i votimit për zgjedhjet lokale në Shqipëri.
Në të gjitha qendrat e votimit në teritorin e Shqipërisë që nuk ka votues brenda qendrës së votimit apo jashtë duke pritur në radhë, procesi i votimit është mbyllur.
Ndërkohë në ato qendra ku ka ende votues që janë në radhë, procesi do të zgjatet me disa minuta. Një rregull ky i parashikuar në Kodin Zgjedhor për t’u dhënë mundësi të gjithë atyre qytetarëve që kanë vullnetin për të votuar, por që e kanë lënë për në minutat e fundit.
Deri në orën 18:00 kanë votuar 36,39 për qind e qytetarëve në të gjithë teritorin e Shqipërisë. Të dhënat përditësuara nga KQZ vijnë nga 2662 qendra nga 5211 në total.
Sipas të dhënave të publikuara nga KQZ, deri në ora 18:00 numri i qytetarëve që kanë ushtruar të drejtën e votës është 694836 nga 1909641 zgjedhës në listën e QV të raportuara.
Pjesëmarrja në votime në zgjedhjet e përgjithshme të 25 prillit 2021 në të njëjtën orë ishte 45, 48 për qind.