Java që kemi filluar sot do të karakterizohet me mot të ndryshueshëm, me vranësira dhe intervale më të gjata me diell. Vranësirat herë-herë, pasdite do të shoqërohen me reshje lokale shiu.
Të dhënat hidrometeorologjike , thotë se reshjet përgjithësisht në gjithë territorin do të jenë shumë më të ulëta se reshjet e fundit të javës që po e lëmë. Temperaturat do të shënojnë rritje graduale në të dy vlerat ekstreme.
Temperaturat minimale do të lëvizin ndërmjet 16 dhe 17 gradë Celsius, ndërsa maksimalet e ditës parashihen të lëvizin ndërmjet 27 dhe 32 gradë Celsius.
Indeksi UV do të jetë i lartë në orët e mesditës, prandaj këshillat e IKSHP janë në fuqi. Do të fryjë erë nga drejtimet veriperëndim dhe juglindjeje me shpejtësi 1-9m/s.