Në Luginë gjatë javës pritet të mbajë mot i ngjashëm me të javës së kaluar.
Sipas të dhënave hidrometeorologjike, deri më 2 qershor nuk parashihen ndryshime rrënjësore sa i përket parametrave meteorologjike.
“Mot kryesisht i vranët dhe me intervale të gjata me diell. Reshje shiu dhe shkarkime rrufesh do të përsëriten pothuajse çdo ditë, por duke ndërruar lokacionet dhe intensitetin e reshjeve, do të jetë i ndryshueshëm”, thuhet në njoftimin e këtij instituti.
Në shumë zona parashihet që reshjet të përcillen me stuhi dhe breshër.
Sa i përket temperaturave ato do të shënojnë rritje të lehta në vlerat e mesditës.