Bashkëjetesa mes nacionaliteteve që jetojnë në Luginë të Preshevës gjithnjë ka qenë e mirë, por problem i përbashkët i qytetarëve në këtë zonë mbetet papunësia dhe largimi i të rinjve.
“Në fshatin tonë kurrë nuk kemi pas problem. Nuk është jeta e mirë, unë merrem me përpunim të metaleve dhe me bujqësi por nuk kemi përkrahje dhe këtu është problemi.”
Sipas miftar Rexhepit , krahas shumë të mirave që ka kjo zonë, shqetësuese mbetet papunësia dhe largimi i rinisë.
Ndërsa shteti vazhdon të bëjë pak për zbutjen e papunësisë dhe zhvillimin ekonomik të këtij rajoni, tani stagnimet nga pandemia e shkaktuar nga virusi COVID -19, konsiderohet një faktor më shumë që Lugina e Preshevës të përjetoj goditje edhe më të madhe në ekonominë e saj edhe ashtu të brishtë. /RTK – Baki Rexhepi
